رفة العين ” عينى بترف ” او اهتزاز او تقلص جفون العين مشكلة شائعة واكثر الناس يتعرضون لها ما هو تفسيرها العلمي ؟ وهل لها اضرار ؟ وما هو علاج رفة العين ؟
رفة العين او اهتزاز العين مشكلة شائعة بعيد ان فى حد بيجيب فى سيرتك فا عينك بترف فهو الموضوع مرتبط دائما باجهاد العين والتوتر وعدم انتظام مواعيد النوم وشرب القهوه والشاي ( الكافيين بشكل عام ) … وفى اغلب الاوقات بتيجي لوحدها وبردوا بتختفى لوحدها
طيب لو فضلت عينك ترف ومارحتش ؟ فعلا فى ناس بتعانى من لفترات طويلة اسابيع وشهور وبيذهقوا منها .. بس النوع بيكون مرتبط بحاجة تانية زى التهابات الجفون وجفاف العين الشديد وحساسية الضوء
وفى بعض الحالات النادرة رفة العين بتدل على وجود مشكلة فى الاعصاب زى شلل العصب السابع او التهابه Parkinsonism وامراض العضلات
واوقات اخرى رفة العين بتيجي من استخدام بعض الادوية زى استخدام ادوية الصرع وادوية الامراض النفسية
ورفة العين والتقلصات فى الغالب 3 انواع
1 – رفة فقط فوق الجفن
2 – رفة تقفل جفن العين
3 – تقلصات لنص الوجهه ( العين والخدود )
امتى تقرر انك تروح تكشف ؟ لو حصل
رفة مستمره طولت عن اسبوع
ان جفن العين يقفل كله لا ارادياً
ان يكون فى تقلصات فى الوجهه ومعاها ارتخاء الجفن العلوى
او رفة العين مع التهابات او احمرار فى العين
هتبدأ مع دكتور الرمد ( العيون ) اللى هيشخص الحالة او انه هيحولك لدكتور مخ واعصاب اللى بدوره هيعرف ان المشكلة مرض عصبي ولا لاء
وفى النهاية ان الرفة ملهاش اى اضرار ولا اى اذى لكن زى ما وضحنا انها لما تطول يبقا كده بدل على مشكلة تانية فى العين وتلحق الموضوع من اوله فى بنقولك ما تكسلش
