اللى يقولك لا احسن من اللى يقولك اه

فا يفضل يبعت فحصه كتير اوى لمراكز لحد ما حد يقوله ايوه ينفع عملية prk ( الليزك السطحي ) طبعا تفرح اوى .. وطبعا المسوق بتاع المركز يقوم بدورة العظيم ويعرفك ان ال prk دى تقنية عالية وحديثة جدا وبتعالج الابصار مع القرنية الضعيفة و القرنية المخروطية

احب اعرفك ان ال prk دى تقنية بدأت فى اوائل الثمانينات وبدأت العمل بها فعلياً عام 1987 اللى بيها عملية الليزك بتقعد فى غرفه ضلمة 3 ايام والحاجات القديمة اللى نعرفها عن الليزك فا مش تقنية جديدة ولا حاجة

وطبعا متوافره في اي جهاز تصحيح للابصار بأنواعه يعني لو كان ينفع كان الدكتور نصحك بيه

طيب هو ليه مش تنفع مع كل القرنية الضعيفة او المخروطية

اولا فكرة تصحيح الابصار قائمة على اعادة تشكيل سطح القرنية بما يتناسب مع ضعف الابصار فا هنا القرنية ضعيفة اذاى هتتعالج ؟ بالتالي بعد ما صاحب القرنية الضعيفة يعمل ليزك بتقنية prk بعدها بفترة ممكن يلبس نضارة تانى او مش كل الدرجات هتتصلح … فا الافضل تخليك بالنضارة لحين نزول تقنيات احدث لعلاجك

اصحاب القرنية المخروطية بالنسبة لحضرتكم بقى ان عملية التثبيت الضوئى عملية مهمة جدا مع القرنية المخروطية وبردوا مش ينفع لحضرتك تصحيح prk بردوا لان حضرتك انسجة القرنية عندك اساسا مش متماسكة وقولنا ان عمليات التصحيح قائمة على اساس اعادة تشكيل القرنية .. بالطبع غلط جدا انك تعمل تصحيح وخليك راضى بما كتبه الله لك انك تستخدم نضارة زى ناس كتير

علشان كده بنقول لا واكيد بكون زعلان وانا بقول لا .. مش علشان انى بخسر عميل مش هيعمل . لا علشان ان ده شخص كان نفسة يقلع النضارة او العدسات زى ناس كتير.. بس ارضى بحكم ربنا

كنا ممكن نقول اه زى ناس كتير والحمد لله عندما اعلى تقنيات فى اجهزة الليزك وفى الفروع اجهزة ليزك Allegreto ex 500 و اجهزة Visumax للفيمتو ليزك او الفيمتو سمايل وبردوا بنقول لا لناس كتير علشان مش بنعمل عمليات الا للشخص بس اللى ينفع ليه تصحيح

خلى املك فى ربنا كبير

الاول كنا بنقول لا بنسبة 50 % من الناس علشان مش ينفعلك ليهم ليزك بكل انواعه وبعد ظهور تقنية الفيمتو سمايل حلت مشاكل كتير اوى وارتفعت الفرصة لعمل تصحيح الى 80 % .. علشان كده بنقولك خليك بالنضارة فى الوقت الحالي وان شاء الله تنزل تقنيات افضل لعلاج نسبة اكبر من الناس