الاستجماتيزم : ما هو وما هو تاثيره وكيف يتم علاج الاستجماتيزم

طيب ما تفهم يعني ايه استجماتيزم الاول
“الاستجماتيزم” كلمة لاتينية معناها اللانقطية .. ودي تعتبر جزء من ضعف الابصار
بمعنى ان ضعف الابصار بيتمثل فى قصر النظر وطول النظر والاستجماتيزم
والاستجماتيزم عبارة عن نقطة تجميع الضوء على قرنية العين مش فى نقطة واحده .. بمعنى اوضح ان اشعه نور جاي من اتجاة وشعاع نور جاي من اتجاة تانى مش بيتجمعوا فى نقطة واحده

طيب فهمنا معناه وانه مش مرض خطير ولا حاجة نعالجه اذاى بردوا ؟
اولا الاستجماتيزم درجات زى درجات النظر -1 -2 وهكذا فا بتقدر تشوف الدرجات الناقصة دي عن طريق نضارة او عدسات لاصقه

سؤال هيجي فى بالك دلوقتى .. لو انا هعمل تصحيح ابصار ايه انسب عملية هتفيدنى ؟
اتفقنا قبل كده ان الاستجماتيزم شىء من عيوب الابصار وان عمليات التصحيح بديل للنضارة .. فا كل عمليات التصحيح بتعالج الاستجماتيزم سواء الليزك بمسمياته او الفيمتو ليزك او الفيمتو سمايل

طيب انا عندي الاستجماتيزم عالي .. هل هيتعالج كله ؟
جميع العمليات بتعالج الاستجماتيزم لحد -5 درجات وفى بعض الحالات بتكون لحد -6 لو الفحص يسمح بلاضافة طبعا لمعالجة ضعف النظر

طيب لو عندي درجة او درجتين ده كده استجماتيزم عالي ؟
لا طول ما درجات الاستجماتيزم اقل من -5 مفيش مشكلة ن شاء الله وتقدر تعالج بتصحيح الابصار او انك تستخدم نضارة او عدسات لاصقه

طيب المفروض له تكاليف اضافية فى عمليات التصحيح ؟
فى الحقيقة مستهلكات عملية التصحيح سواء المريض عنده استجماتيزم او لا باى درجة للمسموح لها ملهاش اى مستهلكات اضافية وهى بتتعالج بالليزر بنفس العملية

طيب لو الاستجماتيزم بتاعى اعلى من 5 درحات فيما فوق اعمل ايه ؟
فى الحالة دي بيتعمل فحص الاول يتم التأكد ان مفيش قرنية مخروطية وممكن تستخدم نضارة او زرع عدسات بديل للنضارة

طيب لو طفل عنده استجمايتزم ؟ علاجه ايه ؟
علاجة النضارة لحد سن 18 وبعدها يعمل تصحيح

طيب لو عندى مياة بيضاء واستجماتيزم ؟
تقدر تعمل عملية المياة البيضاء وفى نفس العملية بيتم زرع عدسة ودي بردوا بتعمل تصحيح لدرجات النظر والاستجماتيزم

واخر هذه السطور اتمنى انك اكون افدتكم وطمنتكم
ونعدكم دائما ان نساعد كل الناس بدعم المشورة الصحيحة وحقائق حاجات كتير مش معروفة